ماني مصدق

ماني مصدق ما تشوفه عيونـي
ولاني مكذب للصـور والوثايـق
تهدي التحية ثم تضحك بهونـي
تبي تشب بوسط قلبـي حرايـق
ماتدري ان الناس عنك نهونـي
لاكن توكل ما ابـي كـل بايـق
كنت اتمنـى ساعـةِ توعدونـي
واليوم شوفك ما اطيقـه دقايـق
ماني بمثلك للشـرف مايصونـي
ماطيق شوفك بين كـل الخلايـق
لو ان خدك مثل بـرق المزونـي
لونك على كـل الغناديـر فايـق
وش لي بمثلك للمحبـه يخونـي
مثلك علـي والله ماهـو بلايـق
روحي خلص مابيك خابت ضنوني
قلبي لبعدك أصبح اليـوم طايـق
خلاص عندي كل شـيِ يهونـي
من بعد ماشفتك مع الغير رايـق