مواقف خطوبة و زواج

الاحراجات ليلة الزواج.. قصص حقيقية.....


1- وحده جاب زوجها لها تمر و جلس يأكلها حبة حبة... طبعا ً البنت استحت منه تطلع نواة التمر قدامه قامت تبلع و هو يعطيها و أختنا في الله تبلع إلى أن انتهى بها الموضوع في المستشفى..!

2- وحده جاء خطيبها يشوفها و طبعا هي خجولة جداً.. و فيها حياء كثييير!
المهم دخلت عليه و أبوها كان موجود فجأة دخل خالها و بعدين عمها و شوي يدخلون أخوانها كلهم -يا حبيبي - صار المجلس مليان ناس و كلهم عيونهم عليها و من يوم شافتهم المسكينة متجمعين و كان يغمى عليها...!!

3- وحده جات بتخطب صديقتها لأخوها عزمتها في بيتهم و قالت لأخوها طل عليها من الشباك و شفها إذا أعجبتك نخطبها لك.. وافق أخونا ما كذب خبر و لما جات البنت عطتها شوكولاتة البنت رفضت تأخذها و هذي تلزم عليها و البنت مصرة ما تأخذ. و لما طلعت تسأل أخوها عن رأيه في البنت.. الأخ شاف البنت و هي تخش الشوكولاتة في شنطتها.. و لما سألته أخته وش رأيك؟ قال موافق على طول و تم الزواج..!
و في ليلة العرس يسأل الزوج البنت: وين الشوكولاتة اللي أخذتيها من بيتنا؟؟؟ "ما ترضين واحد يأخذ من بيتكم شي و ما يستأذن"..!!

4- واحد في ليلة عرسه جالس في زاوية و زوجته في زاوية يكلمها و هي مستحية و تطالع الأرض.. ينطل نكتة (يستهبل) عليها.. البنت ماش تطالع في الأرض و لا كأن فيه أحد جالس جنبها...!!
الولد من كثر ما يكلم نفسه و بنت الناس ساكتة.. قال يا ولد خلني اطنش و اسكت شوي.. فجأة أصدقاء الرجال قالوا لازم ننكد عليه ليلة زواجه (والله الغثاثة) و نحرجه قدام زوجته.. المهم قام واحد منهم و أخذ حصاة و حذف بها الشباك...عاد تخيلوا سكون البنت و صمتها و صوت ضربة الشباك –قوية- كانت مفاجأة للبنت اللي يوم سمعت الصوت و من الخوف و الرعب طمرت و ضمت زوجها من الخوف... الرجال استأنس و أعجبته الحركة ترك البنت على جنب و طالع من الشباك لقاهم أخوياه صاح لهم و قال: ثانية شباب ثانية.. إلا وحدة حصاة في رأسه... و يا ليل ما أطولك.. و صارت البنت هي اللي تداويه ذيك الليلة و تنظف جروحه راح الحياء و راح الخجل.. و السبب حصاة....!!!

5ـ وحده أول مره بتشوف اللي خطبها و لما كان في المجلس دخلت و من قوة الحياء دخلت و سلمت على اخوهاههههههههههههههههههه.


خخخخخخخخخخخخخخخخخخ ------- حلوة