)(زفات شعريه ومُنوعه لـِ ليلة العروس )(๑!i!

خوي الدرب عمري ماخذانـي دونـه النسيـان
وأنا يأهل الملامه مـا رغبـت العيـش وحدانـي

ابيلي مهرة ما عسفت صغيـر وبنـت حصـان
ابوهـا اللـى يفـك المشكلـه ويزبـن الجانـي

وخوها لا تعزوا بسمهـا فـزوا لـه العربـان
يحق لـه الفخـر فـي قولـة آل فـلان جدانـي

ابيها في بحـر عشريـن لا زود ولا نقصـان
ابيها اقصر طويلـه والوصـوف اشكـال الونـي

ابي رمشاً كما ريشاً يغطي الثلج فـي الاوجـان
وابي جفن يشيـل الرمـش طربـان وكحلانـي

ابي خدً كمـا وردً تنمـا فـي طـرف بستـان
وابي خشم صغير مثـل حـد السيـف شامانـي

ابي الجبهه كما الصبح وكما القوس اسود الحجان
وا بيهـا نعسـات ونرجسيـه سـود الاعيانـي



ابي البسمه كما البرق وثنياهـا كمـا المرجـان
وشفاهـا جمرتيـن وفمهـا خـاتـم سليمـانـي

ابي شعرا مثل ذيـل الفـرس لاطبـة الميـدان
او الشـلال لا مـن بـات ليلـه بيـن الامتانـي

ابي جيدا سوات ابريـق فضـه ناتـق مليـان

ابي ظهراً كما ا لجدول وقداً مثل غصن البـان
وخصراً مثل مجـدول العنـان وجسـم رويانـي

ابيهـا مدمجـة سـاق وقدمهـا لسـان ثعبانـي

ابيها بنت عـزاً مـن رغدهـا ينعـم الفستـان
ابي الرقه وابـي الدقـه لهـا باطرافهـا شانـي

ابي المشيه كما الي طالعاً من المعركه كسبـان
وابيهـا تـرش مـع خواتهـا مسـك وريحانـي

ابي صـوت لمنـي سمعـه كـن فيـه الحـان
يدغدغ مسمعي ويثير كـل السـر فـي أشجانـي

ابيها حب وأخلاص وهواجيس وفرح واحـزان
ابيها مثـل مـا دكتـور اهـل العـش وصانـي

ابيهـا لوحـت مـا صورتهـا ريشـة الفنـان
ابيهـا جوهـرة مـا جابهـا قاصـي ولا دانـي

ابيها تنتصر لي مـن زمـان حطنـي نيشـان
وتبشربالغـلا الـي مالفـابـه واحــد ثـانـي

مهرها قلـب وشعـر يهـز القلـب والوجـدان
ولبسهـا القصيـد وتصبـح اوزانـي وقيفـانـي

ابي الي فات والي فات صعب ومن لقى العنوان
يرد العلـم ولا أفضـل أبقـى اعيـش وحدانـي

للـ شاعر ناصر القحطاني

بالورد قد كللت ليلتها .. وبشذى الورد عُـطرت

أرجئها .. فكيف لا ..؟!!

وهي ملكة ليلتها

لـ هذا أحبتي سيكون لي معكم

مقتطفات من زفات شعريه .. زفات منوعه

وقصائد شعريه تتناسب مع ليلتها

ومن أحب قصيده معينه بإسم معين

فله كل المجال لطلب مايشاء

ويلبى طلبه بإذن الله

مـ ح ـبتكم

أسيـ ღ الـِِ شًِْ ـوقღ ـرة